काठमाडौं । ङादी ग्रुप पावरको १० प्रतिशत नगद लाभांश सुरक्षित गर्ने आज फागुन १४ गते अन्तिम दिन रहेको छ । कम्पनीले फागुन २७ गते छैठौं वार्षिक साधारण सभा बोलाएको छ । सभा अमृतभोग क्याटरर्स, कालिका स्थानमा बिहान १० बजे शुरु हुने कम्पनीले जनाएको छ ।
सभा प्रयोजनका लागि कम्पनीले फागुन १५ गते शेयर खाखिर खारेजी मिति तोकिएको छ । यसअनुसार फागुन १४ गते बुधबारसम्म नेप्सेमा कारोबार भई कायम शेयरधनीहरुले मात्र लाभांश पाउनेछन्।
सभामा कम्पनीले सञ्चालक समितिले प्रस्ताव गरेको चुक्ता पूँजी ५३ करोड ५५ लाख रुपैयाँको १० प्रतिशत नगद लाभांश वितरण गर्ने लगायतका विभिन्न प्रस्ताव अनुमोदन गर्नेछ ।
