काठमाडौं । निर्माण सामग्रीहरु सिमेन्ट र डण्डीको गुणस्तर न्यून भएको पाइएपछि सरकारले कारवाही गरेको छ । चार वटा निर्माण सामग्री उत्पादन गर्ने उद्योगलाई कारवाही गरेको छ भने अशोक स्टीलको अनुमति रद्द गरिदिएको छ ।
नेपाल गुणस्तर तथा नापतौल विभागले रिलायन्स सिमेन्ट, नेपाल शालिमार सिमेन्ट,एमजेप्पी सिमेन्टमाथि कारवाही गरेको छ भने अशोक स्टील्सको इजाजत पत्र नै रद्द गरेर कारवाही गरेको हो । विभागले गुणस्तरहीन निर्माण सामग्रीहरु रड र सिमेन्ट बजारमा बिक्री वितरण गरेको भेटिएपछि कारवाही गर्नु परेको जनाएको छ ।
बजार अनुगमनको क्रममा नेपाल शालिमार सिमेन्ट, रिलाइन्स, एमजेप्पी सिमेन्टको बलियोपना मापदण्ड अनुरुपको नभएको भन्दै उत्पादन स्थगन गरिएको जनाइएको छ । त्यसरी स्थगन गरिएका सिमेन्टहरुमा शालिमार पिपिसी सिमेन्ट, रिलाइन्सको डनलप पिएससी र एमजेप्पीको बुद्ध सिमन्ट रहेका छन् ।
उता, विभागले अशोक स्टील्सको फि ५०० टिमएमटी बार डण्डी परिक्षणको क्रममा गुणस्तर मापदण्ड अनुरुप नभएकोले सो ब्राण्डको डण्डीको इजाजत पत्र रद्द गरएको जनाएको छ । विभागकी निर्देशक किसु मानन्धरले उल्लेखित उद्योगहरुबाट उत्पादित निर्माण सामग्रीहरु नेपाल गुणस्तर (प्रमाण चिन्ह) ऐन, २०३७ तथा नियमावली, २०४० को नियम १६ अनुसारको कारवाही प्रक्रिया अगाडि बढाइएको बिज्ञप्तिमार्फत जनाएकी छिन् ।
