काठमाडौं । ङादी ग्रुप पावर लिमिटेडले फागुन २७ गते छैठौँ वार्षिक साधारण सभा गर्ने भएको छ । कम्पनीको फागुन १ गते बसेको संचालक समितिको बैंठकले उक्त सभाको मिति तय गरेको हो । सभा अमृतभोग क्याटरर्स, कालिकास्थानमा बिहान १० बजे शुरु हुने जनाएको छ ।
सभामा हाल कायम चुक्ता पूँजीको १० प्रतिशत नगद लाभांश वितरण गर्ने र लेखापरीक्षक नियुक्त गर्ने प्रस्ताव रहेको छ ।
साधारण सभा तथा लाभांश वितरण प्रयोजनार्थ कम्पनीले फागुन १५ गते एक दिनका लागि शेयरधनी दर्ता पुस्तिका बन्द गर्नेछ । यस अनुसार फागुन १४ गतेसम्म नेप्सेमा कारोबार भई कायम शेयरधनीहरुले साधारण सभा तथा लाभांश प्राप्त गर्न सक्नेछन् ।
हाल कम्पनीको चुक्ता पूँजी ५३ करोड ५५ लाख रुपैयाँ रहेको छ।
