काठमाडौं । चितवनमा रहेको रोयल फर्निचरमा आगलागी भएको छ । आगलागीबाट लाखौंको काठ जलेर नष्ट भएको प्रहरीले जनाएको छ । चितवनको भरतपुर महानगरपालिका–५ नारायणपुरमा जीवन श्रेष्ठले सञ्चालन गरेको रोयल फर्निचर उद्योगमा आगलागी भएको हो ।
बिहान करिब ४ः३० बजे विद्युत् चुहावट हुँदा आगलागी भएको जिल्ला प्रहरी कार्यालय चितवनका प्रवक्ता एकनारायण कोइरालाले जानकारी दिए । विहानदेखि लागेको आगो अपरान्ह मात्रै निन्त्रणमा आएको थियो । घटनामा भएको क्षतिको विवरण प्राप्त भइसकेको छैन । घटनामा बीमा दावी पर्ने बताइएको छ ।
