काठमाडौं । भविष्यमा चालकरहित जहाज उडाउने लक्ष्य राखेको युरोपेली जहाज निर्माता कम्पनी एयरबसले चालकरहित जहाज उडाएर देखाएको छ ।
एयरबसले नयाँ डिजाईन गरेको एएस–३५०–१००० मोडलको जहाज चालकबीना नै उडान भर्न सफल भएको छ । एयरबसले सार्वजनिक गरेको भिडियोमा दुईजना पाईलट ककपिटमा बसेर उडान भरेपनि उनीहरुले कुनै स्वीचहरु नचलाई जहाजले सकुशल उडान भरेको हो । गत डिसेम्वरको अन्तिम साता फ्रान्सको टौलुज विमानस्थलमा उडान भरेको हो ।
एयरबसले पाईलटरहित उडान भर्न सफल भएपछि हवाई उड्डयन क्षेत्रमा नयाँ आविस्कार सफल भएको रुपमा चर्चा गरिएको छ । सीएनएनका अनुसार जहाजले सफलतापूर्वक उडान भरेर अवतरण समेत गरेको थियो ।
यद्यपि गत वर्ष अमेरिकन जहाज कम्पनी बोईङको म्याक्स मोडलको जहाज सफ्टवेयरमा खरावीमा कारण दुई ठूला दुर्घटनापछि स्वचालित प्रणालीलाई यात्रुहरुले विश्वास गरिहाल्ने अवस्था भने छैन । हाल विश्वभरका विमानस्थलमा ‘चार आखाँ’ अर्थात कम्तीमा दुई जना पाईलट ककपिटमा हुनुपर्ने अनिवार्य गरिएको छ । व्यवसायिक उडानको लागि निर्माण गरिएको जहाजले परिक्षण उडानको क्रममा पाईलट बीना नै उडान भरेको भएपनि यसको व्यवहारिक प्रयोगमा आउन भने समय लाग्ने निश्चित छ । आईकाओको ककपिट सम्बन्धी नियम, बीमा सम्बन्धी नियम आदिमा मिलाउनुपर्ने हुँदा पाईलटबीना जहाजको उडान व्यवसायिक सुरुवात गर्न समय लाग्ने देखिन्छ ।
An aircraft that can take off by itself thanks to technology alone? Our #ATTOL demonstrator project recently proved just that! Learn how autonomy helped to make it happen: https://t.co/Ij5o15Ybeo pic.twitter.com/WSwCCXPxJC
— Airbus (@Airbus) January 16, 2020
