काठमाडौं । सामाजिक सुरक्षा कोष र चार अस्पतालबीच सम्झौता भएको छ। सामाजिक सुरक्षा योजना अन्तर्गत योगदानकर्ताहरुले पाउने स्वास्थ्य सेवा उपलब्ध गराउने उद्देश्यले उक्त चार अस्पतालसँग सम्झौता गरेको जनाइएको छ ।
कोषले काठमाडौंको हेल्पिङ्ग ह्याण्डस् अस्पताल, दीर्घायू गुरु अस्पताल, शंखरापुर अस्पताल र सिन्धुपाल्चोकको खाडीचौरमा रहेको सिन्धु सदावहार अस्पतालसंग सम्झौता गरेको जनाइएको छ ।
कोषले संचालन गर्ने योजनाहरु अन्तर्गत औषधी उपचार, स्वास्थ्य तथा मातृत्व एवं दुर्घटना तथा अशक्तता सुरक्षा योजना संचालनका लागि स्वास्थ्य संस्था छनोट गरी योजना संचालन गर्न सम्झौता भएको हो।
