एनएलजी इन्स्योरेन्सले चालु आर्थिक वर्षको प्रथम त्रैमासको वित्तीय प्रतिवेदन सार्वजनिक गरेको छ।
कम्पनीले चालु आर्थिक वर्षको प्रथम त्रैमासमा ५ करोड २५ लाख खुद नाफा गरेको छ। गत वर्ष सोही अवधिमा कम्पनीले ५ करोड १८ लाख कमाएको थियो। कम्पनीको वार्षिक प्रति शेयर आम्दानी ३२ रुपैयाँ ८५ पैसा छ।
कम्पनीको जगेडा कोष ३५ प्रतिशतले वृद्धि हुँदै २२ करोड ४६ लाख पुगेको छ भने बीमा कोष ११ प्रतिशतले वृद्धि हुँदै ८१ करोड ८५ लाख पुगेको छ।
कुल बीमा शुल्क आर्जन रकम २ प्रतिशतले वृद्धि हुँदै ४४ करोड २१ लाख पुगेको छ भने कुल दावी भुक्तानी ६१ प्रतिशतले वृद्धि हुँदै ३३ करोड ५१ लाख पुगेको छ। त्यस्तै , खुद बीमा शुल्क आर्जन रकम ५ प्रतिशतले घट्दै २० करोड ८० लाख पुगेको छ।
कम्पनीको भुक्तानी हुन बाँकी दावी रकम २१ प्रतिशले वृद्धि हुँदै ८२ करोड ४० लाख रहेको छ।
