काठमाडौं । आज बुधबार शेयर बजार सामान्य अंकले घटेको छ । नेप्से १ दशमलव ४४ अंकले घटेर १,१३८ दशमलव ०२ को विन्दुमा कायण्म भएको छ । हिजो मंगलबार नेप्से परिसूचक ०.८१ अंकले घटेको थियो ।
आज ट्रेडिङ, माइक्रोफाइनान्स, जीवन बीमा समुह र म्युचल फण्ड बाहेक सबै उपसूचक घटेका छन् । सबैभन्दा धेरै ७ अंकले उत्पादनमुलक समुह घटेको छ ।
आज दिनभरिमा १ सय ६० कम्पनीको ७ लाख ५० हजार ३३ कित्ता शेयर ३ हजार ९ सय ८६ पटक खरिदविक्री हुँदा २० करोड ६२ लाख ५३ हजार ८ सय ४७ रुपैयाँको कारोबार भएको भएको छ ।
सबैभन्दा धेरै प्रभु बैंकको ४ करोड ३६ लाख रुपैयाँको कारोबार भएको छ । पछिल्लो समय प्रभु बैंकको शेयर मुल्य बढ्दै आएको छ । नबिल बैंकको १ करोडमाथिको कारोबार भएको छ । एनसीसी बैंक र एनआइसी एशिया बैंकको ८० लाखमाथिको कारोबार भएको छ । त्यस्तै, कृषि विकास बैंक र नेपाल बैंकको ६० लाखमाथिको कारोबार भएको छ ।
सबैभन्दा धेरै साल्ट ट्रेडिङ कर्पोरेशनका लगानीकर्ताले ९ दशमलव ८८ प्रतिशतका दरले कमाएका छन् भने महालक्ष्मी विकास बैंकका लगानीकर्ताले सबैभन्दा धेरै ४ दशमलव २८ प्रतिशतका दरले गुमाएका छन् ।
त्यस्तै, यूनियन हाइड्रोपावर, गुडविल फाइनान्स, तिनाउ मिसन डेभलपमेन्ट बैंक, अरुण भ्याली हाइड्रोपावर, मल्टिपर्पोज फाइनान्स, यूनिभर्सल पावर कम्पनी लगायतका लगानीकर्ताले गुमाएका छन् ।
