काठमाडौं । यस वर्षको भाइटीका दुई दिन परेका कारण छुट्टा छुट्टै समुहले १२ र १३ गते भाइटीका मनाउने भएका छन् । नेपाल सरकारले १३ गतेको दिनलाई पनि भाइटीका मानेर सार्वजनिक विदा दिने निर्णय गरेको छ । बिहिवार गृह मन्त्रालयले बैठकले १३ गते समेत भाइटीका मानेर सार्वजनिक विदा दिने निर्णय गरेको हो ।
विशेषगरी नेवार समुदायको भाइटीका (किजा पूजा) को लागि कात्तिक १३ गते सार्वजनिक बिदा दिने निर्णय गरेको हो । नेवार समुदायले म्ह पूजा र भाइटीका एकै दिन लगाउँदैनन् । यस वर्षको तिहारमा दुई दिन भाइटीका परेको छ । समान्यतया द्धितिया तिथीमा भाइटीका लगाउने गरी गरिन्छ । तिथी घटबढका कारण परेवा र द्धितिया तिथी एकै दिनमा पारेपछि नेवा समुदायले भने १२ गते म्हपूजा र १३ गते भाइटीका मनाउने भन्दै १३ गते सार्वजनिक विदा दिन माग गरेका थिए ।
गृह मन्त्रालयका सचिव प्रेम कुमार राईलाई उध्रित गर्दै १३ गते समेत तिहारपर्वसँगै जोडेर सार्वजनिक बिदा दिने निर्णय गरेको हो ।
