काठमाडौं । मार्जिन कारोबारका लागि ८ वटा ब्रोकर कम्पनीले अनुमतिपत्र नवीकरण गरेका छन् । मार्जिन कारोबारका लागि अनुमति प्राप्त गरेका २१ वटा मध्ये ८ वटा कम्पनीले मात्र अनुमतिपत्र नविकरण गरेका हुन् ।
मार्जिन कारोबार गर्न ब्रोकर कम्पनीहरुले प्रत्येक वर्ष सदस्यता नवीकरण गर्नुपर्ने हुन्छ । नेप्सेका अनुसार अघिल्लो वर्ष २१ वटा कम्पनीले यो सेवा लिन अनुमति पाएका थिए । त्यसमध्ये ८ वटा व्यवसायीले आर्थिक वर्ष २०७६–७७ का लागि नवीकरण गरेको नेप्सेले जनाएको छ ।
नवीकरण गर्नेमा क्रिष्टल कञ्चनजंघा, सेक्युर्ड सेक्युरिटिज, भिजन सेक्युरिटिज, नेपाल स्टक हाउस, प्राइमो सेक्युरिटिज, कोहिनुर इन्भेष्टमेन्ट एन्ड सेक्युरिटिज र दिपशिखा सेक्युरिटिज, श्री कृष्ण सेक्युरिटिज रहेका छन् ।
