नुवाकोट । नुवाकोट जिल्लाको बट्टार बजारस्थित सन्जिवनी हस्पिटल आगाडि बसको ठक्करबाट एक बालकको मृत्यु भएपछि आक्रोसित स्थानीयबासीले विरोध जनाएका छन् ।
केरुङ यातायातको बा ४ ख ७५०४ नम्बरको बस स्थानीय एक बालकलाई ठक्कर दिएपछि मृत्यु भएको प्रहरीले जनाएको छ । बालकको मृत्यु भएलगत्तै स्थानीयबासीको विरोधका कारण बट्टार बजार तनाबग्रस्त बनेको छ । त्रिशुलीबाट काठमाडौं आउदै गरेको बसले ७ वर्षीय बालकलाई बुधबार दिउँसो ठक्कर दिएको हो । दुर्घटनामा संलग्न बसमाथि स्थानीयले बस तोडफोड गरेका छन् । स्थिति तनावग्रस्त बनेपछि स्थितिलाई नियन्त्रणमा लिन प्रहरीले दुई राउण्ड हवाई फायर समेत गरेको जनाएको छ ।
सार्वजनिक यातायातले ठक्कर दिएकोले उक्त घटनाको बीमा दावी पर्ने भएको छ । सवारी साधनका लागि गरिएको तेस्रो पक्ष बीमा अन्तर्गतको बीमा दावी पर्ने देखिएको छ ।
