काठमाडौं । कुटनीतिक भाषामा भारतले चीनलाई स्वागत नगरेको सन्देश प्रवाह गरेको छ । दोस्रो इनफर्मल समिटमा भाग लिन चेन्नेई विमानस्थलमा अवतरण गरेका चिनियाँ राष्ट्रपति सि जिनपिङले स्वागत गर्न कुनै मन्त्री वा परराष्ट्र मन्त्रालयका अधिकारीहरु पुगेनन्, बरु स्थानीय गभर्नर वनवारीलाल पुरोहितले स्वागत गरे । विमानस्थलमा शुक्रबार चेन्नेई विमानस्थलमा देखिएको दृष्यले चिनियाँ राष्ट्रपति सि जिनपिङको अपमान गरेको देखिएको छ ।
उता, सम्मेलनस्थल महाबलिपुरमतर्फ जाँदै गरेका चिनियाँ राष्ट्रपति जिनपिङसँग भारतका प्रधानमन्त्री नरेन्द्र मोदीले बीच सडकमै भेटेका छन् । बीच सडकमा चिनियाँ राष्ट्रपति सि जिनपिङलाई रोकेर महाबलिपुरम मन्दिरको अवलोकन गराएका थिए । विश्व सम्पदा सूचिमा सूचिकृत उक्त मन्दिरको कलात्मक पक्षको बारेमा जानकारी गराएका थिए । चेन्नेई एयरपोर्टबाट महाबलिपुरम ५० किमी दुरीमा पर्दछ ।
महाबलिपुरमको बीच सडकमा मोदी एक्लै उभिएका थिए । चिनियाँ राष्ट्रपति सि चढेको गाडी झण्डै ४–५ मिटर अगाडि पुगेर रोकिएको थियो । त्यसपछि मोदी पछ्याउँदै सिसँग हात मिलाउन आएको भारतीय सञ्चार माध्यम एएनआईले सार्वजनिक गरिएको भिडियोमा देखिएको छ ।
#WATCH Prime Minister Narendra Modi receives Chinese President Xi Jinping at Mahabalipuram, Tamil Nadu pic.twitter.com/WHxpisnwLX
— ANI (@ANI) October 11, 2019
