काठमाडौं । शनिबार नेपाल आउन लागेको चिनियाँ राष्ट्रपति सि जिनपिङ नेपाल आउनुअघि दुई दिने भारत भ्रमण समेत गर्दैछन् । यद्यपि नेपाल भ्रमण औपचारिक भएपनि राष्ट्रपति सिको भारत भ्रमण भने अनौपचारिक रहेको खुलेको छ । कुटनीतिक च्यानलबाट दुवैले भ्रमण हुने औपचारिक जानकारी गराएका छैनन् भने राष्ट्रपति सि भारतको नयाँदिल्ली नगई चेन्नेई पुग्ने र त्यही भारतीय प्रधानमन्त्री नरेन्द्र मोदीले स्वागत गर्ने तथा दुई नेताबीच भेटवार्ता हुन लागेको हो ।
भारतीय सञ्चार माध्यम हिन्दुस्तान टाईम्सले दोस्रो इनफरमल समिटमा भाग लिन चिनियाँ राष्ट्रपति सि भारत आउने भएपनि हालसम्म उक्त भ्रमणको औपचारिक रुपमा सार्वजनिक गरिएको छैन । समाचारमा भारतीय प्रधानमन्त्रीले सिको स्वागत गर्ने र दुवै देशका बीचमा आपसी साझा चासोका विषयमा छलफल गर्ने जनाइएको छ । तर, औपचारिक भ्रमण नभएकाले कुनै सम्झौता पत्रमा भने हस्ताक्षर हुनेछैन । शुक्रबार भारतको चेन्नई पुग्ने राष्ट्रपतिलाई भारतीय सञ्चारहरुले भने कास्मिरमा अनावश्यक चीनले हस्तक्षेप गरेको विषय उठान आग्रह गरेका छन् ।
उता, चिनियाँ राष्ट्रपति सि भारत जानुअघि पाकिस्तानका राष्ट्रपति इमरान खान बेईजिङ पुगेका छन् । खानसँग राष्ट्रपति सिले भेटवार्ता गरिसकेको छन् ।
भारत भ्रमण सकेर राष्ट्रपति सि चेन्नेईबाट सिधैं काठमाडौं आउनेछन् । शुक्रबार देखि सुरु हुने सम्मेलनमा भाग लिएपछि राष्ट्रपति शनिबार काठमाडौं आईपुग्ने कार्यक्रम छ । उनी भारतको राजधानी नयाँदिल्ली नगई सम्मेलनस्थल चेन्नेईबाट काठमाडौं आउनेछन् । चिनियाँ राष्ट्रपति सिको नेपाल भ्रमण भने औपचारिक बनाइएको छ । सिको नेपाल भ्रमणको क्रममा आधा दर्जनभन्दा बढि सम्झौताहरुमा हस्ताक्षर गर्ने तयारीमा सरकार जुटेको छ ।
