काठमाडौं । लगातार घटिरहेको शेयर बजार आज बढेको छ । आज नेप्से १० दशमलव १३ अंकले बढेर १,१४५ दशमलव ६९ को विन्दुमा कायम भएको छ । होटल, उत्पादनमुलक र म्युचल फण्ड बाहेक सबै उपसूचक बढेका छन् ।
धेरै दिनसम्म शेयर बजार प्रति निराश भएका लगानीकर्ताहरुको मुहारमा आज खुशी छाएको छ । आज १ सय ३ कम्पनीका लगानीकर्ताहरुले कमाएका छन् । आज गुमाउनेभन्दा कमाउने लगानकिर्ताहरु बढस् छन् ।
आज १ सय ६४ कम्पनीको १३ लाख ८६ हजार कित्ता शेयर ३ हजार ६ सय ८३ पटक खरिदविक्री हुँदा ३१ करोड १४ लाख रुपैयाँको कारोबार भएको छ ।
नेपाल बङलादेश बैंक प्रोमोटर शेयरको ७ करोडमाथिको कारोबार भएको छ । शिवम् सिमेन्टको ४ करोड ३० लाख रुपैयाँको कारोबार भएको छ भने नेपाल इन्भेष्टमेन्ट बैंक प्रोमोटर शेयरको ३ करोड रुपेयाँको कारोबार भएको छ ।
मेगा बैंक, नेपाल टेलिकम र हिमालयन डिस्टीलरीको १ करोड रुपैयाँको कारोबार भएको छ । सिद्धार्थ बैंकको ९५ लाख रुपैयाँको कारोबार भएको छ । सिनर्जी पावरका लगानीकर्ताले सबैभन्दा धेरै ६ प्रतिशतका दरले कमाएका छन् भने शप्तकोशी डेभलपमेन्ट बैंकका लगानीकर्ताले ९ प्रतिशतका दरले गुमाएका छन् ।
