एनआइसी एसिया बैंकले साउन ६ गतेदेखि पाँचौ ऋणपत्र निष्काशन गर्ने भएको छ । बैंकले साढे ४ अर्ब रूपैयाँ बराबरको ऋणपत्र निष्काशन गर्ने भएको छ।पाँचौं पटक ऋणपत्र निष्काशन गर्न लागेको बैंकले एक हजार रूपैयाँ अंकित दरका ४ अर्ब ४० करोड रूपैयाँ बराबरको ४४ लाख कित्ता ऋणपत्र जारी गर्न लागेको हो।
जसमध्ये १७ लाख ६० हजार इकाईमा सर्वसाधारण लगानीकर्ताले आवेदन दिन सक्नेछन् । बाँकी २६ लाख ४० हजार इकाई भने बैंकले आफ्नै पहलमा अन्य संघसंस्थाहरुलाई बिक्री गर्नेछ ।
बैंकले ७ वर्ष अवधिको ‘एनआइसी एसिया डिबेन्चर २०८३।८४’ नाममा ऋणपत्र बिक्री गर्न लागेको हो । रेटिङ एजेन्सी केयर रेटिङ नेपालले यो ऋणपत्रलाई पर्याप्त सुरक्षा जनाउने ‘केयर एनपी ए’ रेटिङ दिएको छ । यसमा बिक्री प्रबन्धकको काम सानिमा क्यापिटलले गर्नेछ । उक्त ऋणपत्रमा वार्षिक १० दशमलव २५ प्रतिशत ब्याज पाइनेछ ।
लगानीकर्ताले साउन ९ गतेसम्म यसमा आवेदन दिन पाउनेछन् । उक्त अवधिमा सबै ऋणपत्र बिक्री नभएमा भदौ ३ गतेसम्म आवेदन दिन पाइनेछ । एनआइसी एसियाको ऋणपत्रमा प्रतिइकाई १ हजार रुपैयाँको दरले आवेदन दिनुपर्नेछ । न्यूनतम २५ कित्तादेखि अधिकतम २२ लाख कित्तासम्म भर्न पाइनेछ । यस ऋणपत्रमा सी(आस्वाको माध्यमबाट आवेदन दिन सकिनेछ ।
यो खबर पढेर तपाईंलाई कस्तो महसुस भयो ?
इन्स्योरेन्स खबरमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।
इन्स्योरेन्स खबर
प्रतिक्रिया दिनुहोस्
