सनराइज बैंकले प्रमुख कार्यकारी अधिकृतमा जनकराज शर्मा पौड्याललाई नियुक्त गरेको छ । पौड्याललाई प्रमुख कार्यकारी अधिकृतमा नियुक्त गर्ने प्रस्तावसहित बैंक सञ्चालक समितिको बैठक आज बस्दैछ ।
मुख कार्यकारीमा अधिकृतमा निरज श्रेष्ठलाई नियुक्त गरेको थियो। श्रेष्ठ नियुक्तिपत्र दिएसँगै उनको नियुक्तीलाई लिएर संचालकहरुबीच विवाद भएको थियो । निरजको नियुक्ती प्रति सञ्चालकद्वयले असन्तुष्टि व्यक्त गरेका थिए ।
प्रमुख कार्यकारी अधिकृत नियुक्ति जस्तो महत्वपूर्ण निर्णयमा सर्वसम्मति नभएको र यस विषयलाई विवादको विषय बनाई सञ्चार मध्ययमा फैलाएको, राष्ट्र बैंकमा उजुरी गरेकोले यस्तो अवस्थामा पदभार समाल्दा राम्रो काम गर्न गाह्रो हुने भन्दै निरजले जिम्मेवारी नलिने पत्र लेखेका थिए ।
जनक शर्मा पौड्याललाई प्रमुख कार्यकारी अधिकृतमा नियुक्त गर्ने भन्नेमा शुक्रबारको बैठकमा समझदारी बनेको छ । तर शुक्रबारको बैठकमा प्रमुख कार्यकारी अधिकृत नियुक्ती सम्बन्धि प्रस्ताव नभएकोले लिखित निर्णय भएको छैन । आइतबारको बैठकमा माइन्युट गरिने र निर्णय आइतबार नै सार्वजनिक गर्ने योजना रहेको बैंकले जनाएको छ ।
जनकराजसँग करिब तीन दशक लामो बैंकिङ अनुभव छ । नविल बैंकबाट बैकिङ करिअर शुरू गरेका पौड्यालले एनआइसी एशिया, लक्ष्मी बैंक हुँदै ग्लोवल आइएमइ बैंकको प्रमुख कार्यकारी अधिकृत भएका थिए ।
उनले गत माघको पहिलो साता ग्लोबल आईएमई बैंकको प्रमुख कार्यकारी अधिकृत पदबाट राजीनामा गरेका थिए ।
