एनएलजी इन्स्योरेन्स कम्पनी लि. र ग्लोबल आइएमई बैंक लिमिटेडबीच बीमा सेवा सम्बन्धी सम्झौता पत्रमा हस्ताक्षर भएको छ ।
सम्झौतापत्रमा एनएलजी इन्स्योरेन्स कम्पनी लि.को तर्फबाट प्रमुख कार्यकारी अधिकृत सुनिलबल्लभ पन्त र बैंकको तर्फबाट कामु प्रमुख कार्यकारी अधिकृत महेश शर्मा ढकालले हस्ताक्षर गरेका छन् ।
सम्झौता भएसँगै ग्लोबल आईएमई बैंक लि.का १३७ वटै शाखाहरु मार्फत इन्स्योरेन्सको निर्जीवनबीमा योजनाहरु खरिद गर्नुका साथै निर्जीवन बीमा सम्बन्धी सम्पूर्ण सेवाहरु छिटो, छरितो एवम् भरपर्दो माध्यमबाट प्राप्त गर्न सकिनेछ ।
ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पु¥याउने उद्देश्यले बिभिन्न स्थानमा शाखा, एक्सटेन्सन काउण्टर तथा शाखारहित बैंकिङ्ग सेवा मार्फत आफ्ना ग्राहकहरु माझ सेवा प्रदान गर्दै आइरहेको छ ।
