युनाइटेड इन्स्योरेन्स कम्पनीले २ सय ४० प्रतिशत हकप्रद शेयर बिक्री गर्न धितोपत्र बोर्डबाट अनुमति पाएको छ । कम्पनीले १ः२।४ अनुपातमा ७२ लाख ५७ हजार ६ सय कित्ता हकप्रद शेयर बिक्री गर्न बोर्डबाट अनुमति पाएको हो । हकप्रद निष्काशन तथा बिक्री प्रबन्धकमा एनएमबि क्यापिटल रहेको छ ।
इन्स्योरेन्स कम्पनीले हाल कायम रहेको चुक्ता पुँजी ३० करोड २४ लाख रुपैयाँको २ सय ४० प्रतिशत हकप्रद जारी गर्न लागेको हो । उक्त हकप्रद शेयर बिक्रीपछि यसको चुक्ता पुँजी १ अर्ब २ करोड ८१ लाख ६० हजार रुपैयाँ पुग्नेछ ।
