नेपाल इन्स्योरेन्सले आफ्ना शेयरधनीलाई ७ दशमलव ५ प्रतिशत लाभांश दिने भएको छ । इन्स्योरेन्सको बिहीबार बसेको सञ्चालक समिति बैठकले आफ्ना शेयरधनीलाई ७ दशमलव ५ प्रतिशत बोनस शेयर दिने प्रस्ताव गरेको हो ।
इन्स्योरेन्सले २०७४ ७५ को मुनाफाबाट उक्त बोनस शेयर दिने भएकोे हो । सञ्चालक समितिले प्रस्ताव गरेको यस प्रस्तावलाई कम्पनीको आगामी साधारण सभाले अनुमोदन गरेपछि मात्रै शेयरधनीले सो बोनश शेयर पाउने छन् ।
इन्स्योरेन्सको हाल कायम १ अर्ब १ करोड ९१ लाख ३ हजार ८ सय ६२ रुपैयाँ चुक्ता पुँजीबाट ७ दशमलव ५ प्रतिशतले हुने ७ करोड ६४ लाख ३२ हजार ७ सय ८९ रुपैयाँ बारबरको बोनस शेयर वितरण गर्न लागिएको हो । कम्पनीले बोनस शेयरमा लाग्ने कर तिर्न ४० लाख २२ हजार ७ सय ७८ रुपैयाँ नगद लांभाश पनि दिने भएको छ । बोनस सेयरपछि चुक्ता पुँजी १ अर्ब ९ करोड ५५ लाख ३६ हजार ६ सय ५२ रुपैयाँ पुग्नेछ ।
