सिभिल बचत तथा ऋण सहकारी संस्था जोखिममा नरहेको सहकारीका संस्थापक अध्यक्ष तथा सिभिल होम्सका अध्यक्ष इन्जिनियर इच्छाराज तामाङले बताए । जिल्ला सहकारी संघ काठमाडौमा सिभिल सहकारीको बारेमा भएको छलफल कार्यक्रममा बोल्दै उनले निश्चित व्यक्तिले भ्रामक रुपमा सहकारी संस्थाको बारेमा नकरात्मक समाचार फैलाएको बताए ।
छलफल कार्यक्रममा बोल्दै सिभिल सहकारी विशुद्ध रुपमा ऐन अनुसार संचालन भएको बताए । सिभिल ग्रुप र सहकारी एकआपसमा सम्बन्धीत भएकाले सहकारीको ठुलो लगानी सिभिल होम्स्मा भएको तर, गलत तरिकाले लगानी नभएको समेत उल्लेख गरे ।
सिभिल सहकारीले सहकारी ऐनको मापदण्ड पुरा गरेर नै लगानी गरिरहेको बताए । साथै सहकारीले राष्ट्रिय सहकारीमा राखिएको धितो सिभिल होम्सको विशुद्ध भएको बताए । तर, संचार माध्यममा बारम्बार नकाारात्मक समाचार आउँदा सदस्यले निक्षेप निकाल्न थालेको समेत उनले बताए ।
भोलीका दिनमा यसले समग्र सहकारी क्षेत्रमा असर गर्न सक्ने उनले बताए । हाल सहकारीमा ७ अर्ब ५० करोड बचत छ भने २६ अर्ब सम्पति रहेको छ । सहकारीले आफ्नो कमी कमजोरी भए स्वत स्वीकार्ने छ । तर, संचार माध्यमहरुलाई नकरात्मक समाचार सम्प्रेषण नगर्ने उनले अनुरोध गरे ।
