काठमाडौं । नेपाली बजारमा आज शुक्रबार सुन चाँदीको भाउमा भारी गिरावट आएको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ५ हजार ८ सय रुपैयाँले घटेको हो।
योसँगै आज प्रतितोला सुन २ लाख ८५ हजार ५ सय रुपैयाँ कायम भएको छ। हिजो सुनको भाउ तोलामा २ लाख ९१ हजार ३ सय रुपैयाँमा कारोबार भएको थियो।
यता, आज चाँदीको भाउ पनि घटेको छ । आज चाँदी तोलामा १५५ रुपैयाँले घटेको हो । योसँगै आज चाँदी तोलामा ४ हजार ३५० रुपैयाँ कायम भएको छ। हिजो चाँदीको भाउ ४ हजार ५०५ रुपैयाँमा कारोबार भएको थियो।
