काठमाडौं । नेष्डो समृद्ध लघुवित्त वित्तीय संस्थाको संस्थापक र कर्मचारीसँग रहेको शेयरको लकइन अवधि फागुन २३ गतेपछि सकिने भएको छ।
कम्पनीले आज एक सूचना जारी गर्दै शेयरको लकइन अवधि सकिन लागेकोबारेमा जानकारी गराएको हो। कम्पनीका अनुसार संस्थापक समूहको १७ लाख २१ हजार २५० कित्ता र कर्मचारीको १२ हजार ७५० कित्ता शेयरको लकइन अवधि फागुन २३ गतेपछि सकिनेछ।
कम्पनीले २०७८ फागुन ११ गतेदेखि फागुन १५ गतेसम्म आइपीओ बिक्री गरेको छ। आइपीओ बाँडफाँट भने फागुन २४ गते गरिएको थियो।
कुनै पनि कम्पनीको आइपीओ बाँडफाँट भएको मितिले ३ वर्षसम्म संस्थापक र कर्मचारी शेयर लकइनमा राख्नुपर्ने प्रावधान रहेको छ।
