काठमाडौं । नेपाल आयल निगमले पेट्रोलियम पदार्थ (इन्धन)को भाउ बढाएको छ।
निगमले आज राति १२ बजेदेखि लागू हुने गरी पेट्रोलियम पदार्थको मूल्य वृद्धि गरेको हो। इन्डियन आयल कर्पोरेसनबाट आज प्राप्त नयाँ मूल्यसूचीअनुसार निगमले पेट्रोलियम पदार्थको मूल्य समायोजन गरेको हो। नयाँ मूल्यसूचीअनुसार प्रतिलिटर पेट्रोलमा २.२४ रुपैयाँ तथा डिजेल र मट्टीतेलमा ३.५५ रुपैयाँ बढाइएको छ।
मूल्य वृद्धिसँगै अब प्रतिलिटर पेट्रोलको १६२.५० रुपैयाँ पुगेको छ। डिजेल र मट्टीतेलको भाउ भने प्रतिलिटर १५३.५० रुपैयाँ कायम भएको छ।
