काठमाडौं । घोराही सिमेन्ट इण्डष्ट्रि लिमिटेडले पुस २७ गते साधारण सभा गर्ने भएको छ । कम्पनीले दाङ जिल्ला घोराही उपमहानगरापलिका वडा नं १५, भरतपुरमा अवस्थित होटल पौवामा बिहान ९ बजे साधारण सभा गर्ने भएको हो ।
कम्पनीले हाल कायम चुक्ता पूँजीको ७५ प्रतिशत हकप्रद शेयर निष्काशन गर्ने प्रस्ताव सभामा पेश गर्दैछ । हाल कायम १० कित्ता शेयर बराबर नयाँ ७.५ कित्ताको अनुपातमा हकप्रद शेयर निष्काशन गर्ने निर्णय गरेको हो। यस अनुसार कम्पनीले प्रतिकित्ता १०० रुपैयाँ अंकित मूल्यका ३ अर्ब ४२ करोड ५७ लाख ६४ हजार २७५ रुपैयाँ बराबरको ३ करोड ४२ लाख ५७ हजार ६४२.७५ कित्ता हकप्रद शेयर निष्काशन गर्नेछ। सभाले सो प्रस्ताव अनुमोदन गर्नेछ ।
कम्पनीले साधारण सभा प्रयोजनका लागि पुस १७ गते एक दिनका लागि बुकक्लोज गर्ने भएको छ। त्यसकारण पुस १६ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन सक्नेछन्।
1734839416895
