काठमाडौं । काठमाडौं उपत्यकाको उत्तरी भेगमा अवस्थित धापासीस्थित बस्तीको एउटा घरमा बिहीबार बेलुका भिषण आगलागी भएको छ। स्थानीयबासिन्दाका अनुसार टोखा नगरपालिका वडा-६ धापासीस्थित कुँवर कोलोनी निवासी भाइकाजी श्रेष्ठको तीनतल्ले पक्की घरबाट आगलागी शुरू भएको हो ।
आगलागीपछि विष्फाेटको समेत आवाज सुनिएकाले ग्याँस सिलिण्डर पड्किएर आगाे झन दन्किएको स्थानीयबासीले जानकारी दिएका छन् । आगलागीको कारण भने खुल्न सकेको छैन ।
आगो निभाउनका लागि उपत्यकाको तीनवटै नगरपालिकाको दमकल परिचालन गरिएपछि बेलुकी ७ः३० बजेपछि आगलागी नियन्त्रणमा आएको छ। आगलागीबाट भएको क्षतिको यकिन हुन बाँकी छ।
