काठमाडौं । माउन्टेन इनर्जी नेपालले आफ्ना शेयरधनीहरुलाई हकप्रद जारी गर्ने भएको छ।
कम्पनी सञ्चालक समितिको पुस १ गते बसेको बैठकले आर्थिक वर्ष २०८०।८१ को बोनस शेयर वितरणपछि कायम हुने चुक्तापुँजी २ अर्ब ६० करोड २७ लाख १५ हजार ७०८ रुपैयाँको ५० प्रतिशत अर्थात १ः०.५० अनुपातमा हकप्रद शेयर जारी गर्ने निर्णय गरेको हो। जसअनुसार कम्पनीले १ अर्ब ३० करोड १३ लाख ५७ हजार ८५४ रुपैयाँबराबरको १ करोड ३० लाख १३ हजार ५७८.५४ कित्ता हकप्रद शेयर जारी गर्नेछ।
नयाँ आयोजना (दूधखोला जलविद्युत आयोजना ६५ मे.वा.)मा लगानी गर्ने प्रयोजनाका लागि यो हकप्रद शेयर जारी गर्ने निर्णय गरिएको कम्पनीले जनाएको छ।
हकप्रद शेयर निष्कासनको प्रस्ताव विद्युत नियमन आयोगबाट पूर्वस्वीकृति लिई आगामी वार्षिक साधारणसभामा पेस गरिने कम्पनीले जनाएको छ।
