काठमाडौं । साप्सु कालिका हाइड्रोपावर कम्पनी लिमिटेडले आगामी पुस १९ गते वार्षिक साधारण सभा गर्ने भएको छ । सभा काठमाडौं महाराजगन्जस्थित कम्पनीको कार्यालयमा बिहान ११ बजे शुरु हुनेछ ।
सभाले आइपीओ जारी गर्ने प्रस्ताव पेश गर्नेछ । साथै, सभाले आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव तय भएको छ ।
सभाले आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने लगायतका एजेन्डाहरू पनि पेश गर्ने जनाएको छ ।
