काठमाडौं । शेयर बजारको बुधबार दोहोरो अंकले बढेको छ। आज नेप्से परिसूचक ४५.८८ अंकले बढेर २७१५.७१ को विन्दुमा बन्द भएको छ।
बजार उच्च अंकले बढ्दा कारोबार पनि बढेको छ। आज ५ अर्ब ५ करोड रुपैयाँ बढीको कारोबार भएको छ।
आज बैंकिङ सेक्टर सर्वाधिक ३.४३ प्रतिशतले बढेको छ भने म्युचुअल फन्ड समूह ०.३४ प्रतिशतले घटेको छ। बजारमा आज २११ कम्पनीको शेयरभाउ बढ्दा २९ वटाको घटेको छ। यो दिन ३ कम्पनीको शेयरभाउ स्थिर रहेको छ।
बजारमा जानकी फाइनान्सको सर्वाधिक कारोबार भएको छ।
उच्च कारोबार भएका १० कम्पनी
- जानकी फाइनान्सः ३६ करोड १५ लाख रुपैयाँ
- रिभर फल्स पावरः २० करोड २५ लाख रुपैयाँ
- एनआरएन इन्फ्रास्ट्रक्चरः ११ करोड ८१ लाख रुपैयाँ
- जोशी हाइड्रोपावरः ९ करोड ८५ लाख रुपैयाँ
- एचआईडीसीएलः ८ करोड १३ लाख रुपैयाँ
- नेपाल फाइनान्सः ७ करोड ५४ लाख रुपैयाँ
- सप्तकोशी डेभलपमेन्ट बैंकः ७ करोड २७ लाख रुपैयाँ
- माथिल्लो मैलुङ खोला जलविद्युतः ७ करोड १ लाख रुपैयाँ
- दोल्ती पावरः ६ करोड ९६ लाख रुपैयाँ
- हिमालयन रिइन्स्योरेन्सः ६ करोड २१ लाख रुपैयाँ
