काठमाडौं । नेपाल स्टक एक्सचेन्ज (नेप्से)मा आज एकैदिन ४ वटा कम्पनीको पौने २ करोड कित्ता शेयर थपिएको छ।
नेप्सेमा सीईडीबी होल्डिङ, अपी पावर, कामना सेवा विकास बैंक र एभरेष्ट बैंकको कुल १ करोड ७९ लाख ८२ हजार ९३७.७२ कित्ता बोनस शेयर सूचीकृत भएको हो। जसमा सीईडीबी होल्डिङको १० लाख २४ हजार ९१९.६१ कित्ता, अपी पावरको २८ लाख ९३ हजार २९८.९६ कित्ता, कामना सेवा विकास बैंकको २२ लाख ९६ हजार ८१५.२७ कित्ता र एभरेष्ट बैंकको १ करोड १७ लाख ६७ हजार ९०३.८८ कित्ता बोनस शेयर सूचीकृत भएको छ।
अघिल्लो वर्षका लागि शेयरधनीहरुलाई सीईडीबी होल्डिङले ११ प्रतिशत, अपी पावरले ५ प्रतिशत, कामना सेवा विकास बैंकले ७ प्रतिशत र एभरेष्ट बैंकले १० प्रतिशत बोनस शेयर वितरण गरेका थिए।
