काठमाडौं । नेपाल स्टक एक्सचेन्ज (नेप्से)ले आज शेयर बजार बन्द रहने जानकारी गराएको छ।
नेप्सेले एउटा सूचना निकालेर शेयर बजार बन्द रहने जानकारी गराएको हो। मन्त्रिपरिषदको आज बसेको बैठकले पूर्वसभामुख दमननाथ ढुंगानाको निधनको शोकमा सार्वजनिक बिदा दिने निर्णय गरेको छ।
सरकारको सोही निर्णयबमोजिम आज धितोपत्रको कारोबार नहुने नेप्सेले जनाएको छ।
सरकारले आज बिहानमात्रै सार्वजनिक बिदा दिने निर्णय गरेपछि शेयर बजारका लगानीकर्तामा बजार खुल्ने वा नखुल्ने भन्नेबारे अन्यौलता सिर्जना भएको थियो। सोही अन्यौलतालाई हटाउन नेप्सेले सूचना जारी गरेर आज शेयर बजार बन्द रहने जानकारी गराएको हो।
