काठमाडौं । सयपत्री हाइड्रोपावरले हकप्रद शेयर ल्याउने निर्णय गरेको छ।
कम्पनी सञ्चालक समितिको मंसिर २ गते बसेको सञ्चालक समितिले आफ्ना शेयरधनीहरुलाई हकप्रद शेयर जारी निर्णय गरेको हो। कम्पनीले हाल कायम चुक्तापुँजीको १ः१ अनुपातमा अर्थात १०० प्रतिशत हकप्रद शेयर जारी गर्ने निर्णय गरेको हो।
हकप्रद शेयर जारी गर्ने अजेन्डा आगामी साधारणसभा पेस गर्न विद्युत नियम आयोगबाट स्वीकृति लिने निर्णय पनि कम्पनीले गरेको छ। हकप्रद शेयरबाट उठेको रकम कम्पनीको ऋण तथा दायित्व भुक्तानी गर्न र दरम खोला ए जलविद्युत आयोजनाको मर्मत गर्नका लागि उपयोग गरिने कम्पनीले जनाएको छ।
हकप्रद शेयर जारी गर्न आवश्यक सम्पूर्ण कार्य गर्नका लागि सञ्चालक गोपालप्रसाद निउरेलाई अख्तियारी दिने निर्णय पनि कम्पनीले गरेको छ।
