काठमाडौं । सर्वोत्तम सिमेन्टले चालु आर्थिक वर्षको प्रथम त्रैमास (साउन–असोज)को वित्तीय विवरण सार्वजनिक छ।
वित्तीय विवरणअनुसार समीक्षा अवधिमा कम्पनीले २ करोड २५ लाख रुपैयाँ घाटा व्यहोरेको छ। अघिल्लो वर्ष यही अवधिमा कम्पनीले १७ करोड ३८ लाख रुपैयाँ नाफा आर्जन गरेको थियो।
समीक्षा अवधिमा कम्पनीले उत्पादन बिक्रीबाट १ अर्ब ४५ करोड ५१ लाख रुपैयाँ आम्दानी गरेको छ। अघिल्लो वर्ष यही अवधिमा कम्पनीले उत्पादन बिक्रीबाट ६ अर्ब ३७ करोड २३ लाख रुपैयाँ आम्दानी गरेको थियो। अघिल्लो वर्षको तुलनामा कम्पनीको आम्दानी ७७.१६ प्रतिशतले घटेको छ।
कम्पनीको बिक्री खर्च १ अर्ब ३३ करोड ४८ लाख रुपैयाँ भएको छ। अन्य आम्दानी ८८ लाख ४१ हजार रुपैयाँ रहेको छ।
चुक्तापुँजी ४ अर्ब ६५ करोड रुपैयाँ रहेको कम्पनीको अन्य इक्विटीमा ४ अर्ब २३ करोड ५४ लाख रुपैयाँ रहेको छ। अघिल्लो वर्ष अन्य इक्विटीमा ४ अर्ब २५ करोड ८० लाख रुपैयाँ थियो।
कम्पनीको वार्षिकीकृत प्रतिशेयर आम्दानी (ईपीएस) १.९४ रुपैयाँले ऋणात्मक रहेको छ भने प्रतिशेयर नेटवर्थ १९८.३३ रुपैयाँ रहेको छ।
