काठमाडौं । तिहार बिदापछि खुलेको शेयर बजारमा मंगलबार झिनो गिरावट आएको छ। नेप्से परिसूचक ०.२१ अंकले घटेर २६७७.४० को विन्दुमा बन्द भएको छ।
आज नेप्से उपसमूहमा रहेका १३ वटा समूहमध्ये ७ वटा बढेका छन् भने ६ वटा घटेका छन्। आज निर्जीवन बीमा समूह सर्वाधिक १.०६ प्रतिशतले बढेको छ भने बैंकिङ समूह सर्वाधिक ०.८१ अंकले घटेको छ।
यो दिन ११३ कम्पनीको शेयरभाउ बढ्दा १२४ कम्पनीको घटेको छ। आज ६ कम्पनीको शेयरभाउ स्थिर रहेको छ।
बजारमा आज करिब सवा ४ अर्ब रुपैयाँबराबरको कारोबार भएको छ। सर्वाधिक कारोबार नेपाल फाइनान्सको भएको छ।
आज उच्च कारोबार भएका १० कम्पनी
- नेपाल फाइनान्सः २९ करोड ९० लाख रुपैयाँ
- सानिमा जीआईसी इन्स्योरेन्सः १६ करोड ११ लाख रुपैयाँ
- एनएलजी इन्स्योरेन्सः १५ करोड ८४ लाख रुपैयाँ
- आईजीआई प्रुडेन्सियल इन्स्योरेन्सः ११ करोड ६१ लाख रुपैयाँ
- समृद्धि फाइनान्सः ११ करोड ६० लाख रुपैयाँ
- रसुवागढी हाइड्रोपावरः ११ करोड ५३ लाख रुपैयाँ
- पिपुल्स हाइड्रोपावरः १० करोड १७ लाख रुपैयाँ
- लिबर्टी इनर्जीः ९ करोड ९७ लाख रुपैयाँ
- सामलिङ पावरः ९ करोड १९ लाख रुपैयाँ
- सोल्टी होटलः ८ करोड ५४ लाख रुपैयाँ
