काठमाडौं । नेपाली बजारमा सुनको भाउले दैनिक नयाँ रेकर्ड कायम गर्दै आइरहेको छ । गत शुक्रबार १ लाख ६६ हजार रुपैयाँमा कारोबार भएको सुनले आज भने नयाँ उचाई कायम गरेको छ । आज सुनको भाउ १ लाख ६७ हजार ४ सय रुपैयाँमा कायम भएको छ । यो हालसम्मकै उच्च मूल्य हो ।
आज चाँदीको भाउ पनि सामान्य बढेको छ । आज चाँदीको भाउ तोलामा १५ रुपैयाँ बढेर२ हजार ८५ रुपैयाँ कायम भएको छ। गत शुक्रबार चाँदी तोलाको २ हजार ७० रुपैयाँमा कारोबार भएको थियो।
