समस्याग्रस्त १८ सहकारीको दायित्व फरफारक गर्न १५ दिने समयसीमा, नबुझाए कारबाही

काठमाडौं । समस्याग्रस्त सहकारी व्यवस्थापन समितिको कार्यालयले समस्याग्रस्त अवस्थामा रहेका १८ सहकारी संस्थाको दायित्व फरफारक गर्न १५ दिने सूचना जारी गरेको छ।

कार्यालयले आज एक बिहीबार ती सम्रस्याग्रस्त सहकारीका सञ्चालक, व्यवस्थापक, ऋण सदस्य र कर्मचारीलाई दायित्व फरफारक गर्न उक्त समयसीमा दिइएको हो। यसअघि पनि पटक–पटक सूचना जारी गरेर तथा एसएमएससमेत गरेर दायित्व फरफारकका लागि ताकेता गर्दासमेत सम्पर्कमा नआएकोले तोकिएको अवधिभित्र दायित्व फरफारक नगरे कानुनअनुसार प्रक्रिया अघि बढाउने कार्यालयले चेतावनी दिएको छ।

तोकिएको समयभित्र नबुझाए दायित्व बाँकी रहेका व्यक्ति र निजको एकाघर परिवारको सम्पत्ति तथा बैंक खाता रोक्का गर्ने, कालोसूचीमा राख्ने र रोक्कामा राखिएका सम्पत्ति लिलाम बिक्री गरी ऋण असुल गर्ने कार्यालयले जनाएको छ।

यस्ता दायित्व फरफारक गर्न ताकेता गरिएका समस्याग्रस्त सहकारी