काठमाडौं । दसैँ बिदापछि खुलेको नेपाली बजारमा सुनचाँदीको भाउमा उछाल आएको छ।
नेपाल सुनचाँदी व्यवसायी महासंघका अनुसार आज मंगलबार सुनको भाउ तोलामा १ हजार ४०० रुपैयाँले बढेको छ। योसँगै प्रतितोला छापावाल सुन १ लाख ६० हजार ५०० रुपैयाँ कायम भएको छ।
गत असोज २३ गते प्रतितोला छापावाल सुन १ लाख ५९ हजार १०० रुपैयाँमा कारोबार भएको थियो। यो दिन सुनको भाउ तोलामा १ हजार रुपैयाँले घटेको थियो।
आज चाँदीको भाउ पनि तोलामा २५ रुपैयाँले बढेर १ हजार ९२५ रुपैयाँ कायम भएको छ। गत असोज २३ गते तोलामा ४० रुपैयाँले घटेर चाँदी १ हजार ९०० रुपैयाँमा किनबेच भएको थियो।
