काठमाडौं । प्रसिद्ध भारतीय उद्योगपति रतन टाटा अब यो संसारमा छैनन्। उनको ८६ वर्षको उमेरमा गत बुधबार निधन भएको हो।
व्यापार र सामाजिक कार्यका माध्यमबाट रतन टाटा हरेक भारतीयको मनमा बस्न सफल भएका छन्। व्यापार सञ्चालनमा रतन टाटा हरेक तह र तप्काका मानिससँग सहकार्य गरे। उनी हरेकबाट केही न केही नयाँ कुरा सिक्थे भने अरुलाई पनि सिकाउँथे।
सफल व्यवसायी रतन टाटाका यी १० कुरा अनुशरण गरे व्यापारसँगै जीवननमा सफलता पाउन सकिन्छ।
मानवता र दयाभाव: व्यापार–व्यवसायमा सफल भए पनि रतन टाटा सधैँ भुइँमान्छेका रुपमा प्रस्तुत हुन्थे। उनी मानिसहरुलाई निकै इज्जत दिन्थे। उनमा मानवता र दयाभाव भरिएको थियो।
नाफाभन्दा मूल्य: रतन टाटा इमान्दारिताका साथ व्यापार गर्न विश्वास गर्थे। उनी कम्पनीको नाफा बढाउनेमा भन्दा पनि नैतिकतामा पनि केन्द्रित हुन्थे।
लगनशीलता: सफलता रातारात आउँदैन। रतन टाटाको यात्राले दीर्घकालीन लक्ष्यहरु प्राप्त गर्न दृढता र कडा परिश्रमको मूल्यांकन गर्न सिकाउँछ।
जोखिम लिने साहस: नयाँ क्षेत्रहरुमा टाटा समूहको उद्यमले विकासका लागि नवप्रवर्तन र जोखिम लिनु महत्वपूर्ण छ भनी देखाउँछ।
नेतृत्वमा समानुभूति: रतन टाटाले कर्मचारी र समुदायका आवश्यकता बुझ्ने र सम्बोधन गर्ने महत्वलाई जोड दिन्थे।
दीर्घकालीन दृष्टि: रतन टाटााले तत्काल लाभभन्दा बाहिर सोच्न र दिगो विकास तथा विकासमा ध्यान केन्द्रित गर्न वकालत गर्थे।
असफलताबाट सिक्ने: रतन टाटाले असफलतालाई सफलताको पाइलाका रुपमा हेर्थे। मानिसहरुले गल्तीलाई अवसरका रुपमा स्वीकार गर्नुपर्ने उनको धारणा थियो।
सामाजिक उत्तरदायित्वप्रति प्रतिबद्धता: व्यवसायले शिक्षा, स्वास्थ्य सेवा र सामुदायिक कल्याणमा योगदान पुर्याउनुपर्ने रतन टाटाको विश्वास थियो ।
अनुकूलन क्षमता: रतन टाटाले बदलिँदो समयसँगै विकसित हुनु, द्रुत रुपमा परिवर्तन भइरहेको संसारमा सान्दर्भिक रहनु कत्तिको महत्वपूर्ण छ भनेर देखाएका थिए।
नवप्रवर्तनमा फोकस: रतन टाटाको नेतृत्वले सधैँ अग्रगामी सोचलाई प्रोत्साहित गरेको थियो। भविष्यका लागि प्राविधिक प्रगति र अभिनव समाधानलाई रतन टाटाले सदैव समर्थन गर्थे।
