काठमाडौं । दसैँअघिको अन्तिम कारोबारमा शेयर बजारमा सामान्य अंकले बढेको छ। नेप्से परिसूचक ४.८५ अंकले बढेर २६६८.१७ को विन्दुमा उक्लिएको छ।
झिनो अंकले बढेको बजारमा १३० कम्पनीको शेयरभाउ बढेको छ भने १०२ कम्पनीको घटेको छ। यो दिन ११ कम्पनीको शेयरभाउ स्थिर रहेको छ।
आज नेप्से उपसमूहमा रहेका १३ वटा समूहमध्ये ९ वटा बढेको छ भने ४ वटा घटेको छ। उत्पादन तथा प्रशोधन समूह सर्वाधिक १.०५ प्रतिशतले बढेको छ।
बजारमा आज पौने ४ अर्ब रुपैयाँ बढीको कारोबार भएको छ। सर्वाधिक कारोबार नेपाल फाइनान्सको भएको छ।
आज उच्च कारोबार भएका १० कम्पनी
- नेपाल फाइनान्सः २२ करोड १ लाख रुपैयाँ
- सानिमा बैंकः १८ करोड ९८ लाख रुपैयाँ
- हिमालयन रिइन्स्योरेन्सः १५ करोड ७२ लाख रुपैयाँ
- साहस ऊर्जाः १५ करोड २७ लाख रुपैयाँ
- एनएलजी इन्स्योरेन्सः ९ करोड ९१ लाख रुपैयाँ
- गुडविल फाइनान्सः ९ करोड २६ लाख रुपैयाँ
- पिपुल्स हाइड्रोपावरः ८ करोड ३४ लाख रुपैयाँ
- कुमारी बैंकः ७ करोड ३७ लाख रुपैयाँ
- नेपाल एसबीआई बैंकः ६ करोड २९ लाख रुपैयाँ
- एनआरएन इन्फ्रास्ट्रक्चरः ५ करोड ६५ लाख रुपैयाँ
