काठमाडौं । सीईडीबी हाइड्रोपावर डेभलपमेन्ट कम्पनीको साधारण सभा आज असोज २१ गते सम्पन्न भएको छ । सभा कालिमाटी ब्याङ्क्वेट, कालिमाटी, काठमाडौँमा सम्पन्न भएको कम्पनीले जनाएको छ । कम्पनीले गत आर्थिक वर्षको मुनाफाबाट शेयरधनीहरुलाई बोनश शेयर वितरण गरेपछि हकप्रद शेयर निष्काशन गर्ने प्रस्ताव अनुमोदन गरेको छ ।
कम्पनीले हाल कायम चुक्ता पूँजीको ११ प्रतिशतका दरले बोनश शेयर वितरण गर्ने र बोनश शेयर वितरणपछि ५४.५ प्रतिशत हकप्रद शेयर निष्काशन गर्ने घोषणा गरेको थियो । सो प्रस्ताव पारित गरेको छ ।
सभाले सञ्चालक समिितको आर्थिक वर्ष २०७९/ ८० र २०८०/ ८१ को वार्षिक प्रतिवेदन छलफल गरी पारित गरेको छ । लेखा परीक्षकको प्रतिवेदन सहित आर्थिक वर्ष २०७९ /८० को वासलात, नाफा नोक्सान हिसाब तथा सोही अवधिको नगद प्रवाह विततरणमा छलफल गरी पारित गरेको छ । आर्थिक वर्ष २०८०/ ८१ को लागि नियुक्त लेखा परीक्षक तथा नीजको पारिश्रमिक अनुमोदन गरेको छ । स्वतन्त्र सञ्चालक नियुक्त गर्ने लगायतका प्रस्ताव पारित गरेको छ ।
सभाले बोनश वितरण र हकप्रद निष्काशनको प्रस्तावसँगै प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्ताव पारित गरेको छ ।
