काठमाडौं । सरकारले बाढी पहिरो प्रभावित जिल्लाका स्थानीय तहलाई विपद् संकटग्रस्त क्षेत्र घोषणा गरेको छ । मन्त्रिपरिषदको शुक्रबार बसेको बैठकले तुलनात्मकरूपमा बढी क्षति भएका जिल्लाका स्थानीय तहलाई विपद् संकटग्रस्त क्षेत्र घोषणा गरेको हो।
खानेपानी तथा सरसफाइ मन्त्री प्रदीप यादवका अनुसार काभ्रे, काठमाडौँ, ललितपुर, सिन्धुपाल्चोक, धादिङ, सिन्धुली लगायत जिल्लाका प्रभावित स्थानीय तहलाई सरकारले विपद् संकटग्रस्त घोषणा गर्ने निर्णय गरेको छ। यसैगरी बाढी पीडितको अस्थायी पुनर्बास र राहतका लागि १ अर्ब रूपैयाँ उपलब्ध गराउने निर्णय समेत बैठकले गरेको छ।
मन्त्रिपरिषद् बैठकअघि राष्ट्रिय विपद् जोखिम न्यूनीकरण तथा व्यवस्थापन प्राधिकरण कार्यकारी समितिको बैठकले १४ वटा जिल्लालाई विपद् संकटग्रस्त क्षेत्र घोषणाका लागि मन्त्रिपरिषदसमक्ष सिफारिस गरेको थियो ।
