काठमाडौं । एसियन लाइफ इन्स्योरेन्स कम्पनीको ५ लाख १४ हजार बढी कित्ता शेयर बिक्रीमा राखिएको छ। कम्पनीको संस्थापक समूहको ५ लाख १४ हजार ४६५ कित्ता शेयर बिक्रीमा राखिएको हो।
यो शेयरमा हाललाई कम्पनीका विद्यमान संस्थापक शेयरधनीहरुले मात्रै खरिदका लागि निवेदन दिन सक्नेछन्। यसका लागि ३५ दिनको अवधि दिइएको छ।
तोकिएको अवधिभित्र इच्छुक संस्थापक शेयरधनीहरुले काठमाडौंको मैतीदेवीस्थित कम्पनीको केन्द्रीय कार्यालयमा शेयर खरिदका लागि निवेदन दिनुपर्नेछ।
संस्थापक शेयरधनीहरुबाट शेयर खरिदका लागि आवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने कम्पनीले स्पष्ट पारेको छ।
