काठमाडौं । सेक्युर्ड सेक्युरिटिजले लगानीकर्तालाई बम्पर लाभांश वितरण गर्ने भएको छ। कम्पनीले १७ औँ वार्षिक साधारणसभा (एजीएम)बाट पारित गर्दै लगानीकर्तालाई चुक्तापुँजीको कुल ६२ प्रतिशत लाभांश वितरण गर्ने निर्णय गरेको हो।
कम्पनीले वार्षिक साधारणसभा आउँदो कात्तिक ८ गते आह्वान गरेको छ। सभा काठमाडौंको प्रदर्शनीमार्गस्थित कम्पनीको रजिस्टर्ड कार्यालयमा दिउँसो साढे ४ बजेबाट सुरु हुनेछ।
सभाले आर्थिक वर्ष २०८०।८१ का लागि सञ्चालक समितिबाट प्रस्तावित चुक्तापुँजीको कुल ६२ प्रहरी लाभांश अनुमोदन गर्नेछ। जसमा ५० प्रतिशत बोनस शेयर र १२ प्रतिशत नगद लाभांश (बोनसमा लाग्ने करसहित)ं रहेका छन्।
सभाले बोनस शेयर वितरणपछि चुक्तापुँजी बढ्ने भएकोले सोहीबमोजिम प्रबन्धपत्र र नियमावलीमा प्रशोधन गर्दै विशेष प्रस्ताव पनि पारित गर्नेछ। सभाले सञ्चालक समितिको वार्षिक प्रतिवेदन र लेखापरीक्षकको प्रतिवेदन स्वीकृत गर्नेछ।
चालु आर्थिक वर्षको लेखापरीक्षणका लागि केसी सापकोटा एन्ड एसोसिएट्सलाई लेखापरीक्षकमा नियुक्त गर्ने र निजको पारिश्रमिक निर्धारण गर्ने प्रस्ताव सभाले अनुमोदन गर्नेछ।
