काठमाडौं । उपप्रधान तथा अर्थमन्त्री विष्णु पौडेलले शेयर बजार फेरि तल झरेकोमा चिन्ता व्यक्त गरेका छन्।
आज दिउँसो नेपाल स्टक एक्सचेन्ज (नेप्से)को कार्यालय पुगेर अर्थमन्त्री पौडेलले बजार फेरि घटेकोमा चिन्ता व्यक्त गरेका हुन्। ‘३०४० को नेप्से परिसूचक फेरि २५८० को विन्दुमा आएको छ, बजार घटेकोमा हामी चिन्तित छौँ’, उनले भने।
अर्थमन्त्री पौडेलले सामाजिक सञ्जालहरु शेयर बजारका बारेमा फैलाइने अफवाहका विषयमा नियाममकहरु निगरानी बढाउनुपर्ने बताए। ‘लगानीकर्ता पनि त्यस्ता अफवाहका पछाडि लाग्नु भएन’, उनले भने, ‘जथाभावी बजारबारे बोल्नेमाथि सरकारले कारबाही गर्छ।’
अर्थमन्त्री पौडेलले नेप्सेको पुनर्संरचना गर्नुपर्ने पनि बताए। ‘प्रविधिको स्तरोन्नति गर्दै नेप्सेको पुनर्संरचना गर्नुपर्छ’, उनले भने, ‘त्यसमा सरकारले आवश्यक पहल गर्छ।’
