काठमाडौं । आज शेयर बजारमा भारी अंकको गिरावट आएको छ । आज शेयर बजार नेप्से परिसूचक ५५ दशमलव ८६ अंकले घट्दा २,६४६ को विन्दुमा कामय भएको छ । आज २२ कम्पनीको शेयर मूल्य बढेको छ भने २२२ कम्पनीको शेयर मुल्य घटेको छ ।
आज दिनभरिमा ३२७ कम्पनीको २ करोड १० लाख ४८ हजार ९११ कित्ता शेयर किनबेच हुँदा ९ अर्ब ४३ करोडमाथिको शेयर कारोबार भएको छ । आज सबैभन्दा धेरै सिएचडीसीको शेयर कारोबार भएको छ । कम्पनीको ३७ करोडमाथि शेयर कारोबार भएको छ । हिमालयन रिइन्स्योरेन्सको २७ करोड ९४ लाख रुपैयाँको शेयर कारोबार भएको छ । हाथवे इन्भेष्टमेन्टको २३करोड ९२ लाख रुपैयाँको शेयर कारोबार भएको छ ।
आज सबैभन्दा धेरै हाथवे इन्भेष्टमेन्टका लगानीकर्ताले कमाएका छन् । आज यस कम्पनीका लगानीकर्ताले ८ दशलमव ९८ प्रतिशतका दरले कमाएका हुन् । नेपाल वेयरहाउजिङका लगानीकर्ताले ७ दशलमव ५९ प्रतिशतका दरले कमाएका छन् । इमर्जिङ नेपालका लगानीकर्ताले ६ प्रतिशतका दरले कमाएका हुन् ।
आज सबैभन्दा धेरै उन्नती सहकार्य लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले ७ दशमलव ७८ प्रतिशतका दरले कमाएका हुन् ।
