काठमाडौं । नेप्से परिसूचकको उच्च विन्दु २०७८ साल भदौ २ गते कायम भएको थियो। सो दिन नेप्से परिसूचक ३२०० भन्दा माथि पुगे पनि बन्द हुँदा ३१९८ मा बन्द भएको थियो।
उक्त दिन ३८ हाइड्रोपावर कम्पनीको शेयर कारोबार भएको थियो । ३८ कम्पनीमध्ये रुरु जलविद्युत् कम्पनीको शेयरमूल्य सर्वाधिक थियो । यो कम्पनीको शेयरमूल्य प्रतिकित्ता १ हजार ७७० रुपैयाँ थियो।
त्यस्तै दोस्रोमा माउन्टेन इनर्जी नेपालको शेयरमूल्य सर्वाधिक थियो। यो कम्पनीको शेयरभाउ प्रतिकित्ता १ हजार ५२१ थियो।
सोही दिन सबैभन्दा कम शेयरमूल्य भएको हाइड्रोपावर कम्पनीमा दिव्यश्वरी थियो। दिव्यश्वरी हाइड्रोपावरको शेयरमूल्य प्रतिकित्ता ४३७ रुपैयाँमा अन्तिम कारोबार भएको थियो।
