काठमाडौं । साताको अन्तिम कारोबार दिन बिहीबार शेयर बजार दोहोरो अंकले घटेको छ। नेप्से परिसूचक ३६.८३ अंकले घटेर २७४९.५७ को विन्दुमा झरेको हो।
बजार घट्दा १८८ कम्पनीको शेयरभाउ ओरालो लागेको छ भने ५३ वटाको मात्रै उकालो लागेको छ। आज २ कम्पनीको शेयरभाउ स्थिर रहेको छ।
आज म्युचुअल फन्ड समूहबाहेक अरु सबै समूह घटेको छ। करिब सवा १२ अर्ब रुपैयाँको कारोबार भएको बजारमा आज गुडविल फाइनान्सको शेयर उच्च किनबेच भएको छ।
आज उच्च कारोबार भएका १० कम्पनी
- गुडविल फाइनान्सः ३७ करोड ६५ लाख रुपैयाँ
- अपी पावरः ३६ करोड ६४ लाख रुपैयाँ
- हिमालयन रिइन्स्योरेन्सः ३५ करोड ५६ लाख रुपैयाँ
- नेपाल फाइनान्सः ३४ करोड ३ लाख रुपैयाँ
- राधी विद्युतः ३१ करोड ९४ लाख रुपैयाँ
- ङादी ग्रुप पावरः २५ करोड २० लाख रुपैयाँ
- अरुण भ्याली हाइड्रोपावरः २२ करोड ८० लाख रुपैयाँ
- शिवम सिमेन्टः २२ करोड ७८ लाख रुपैयाँ
- सानिमा माई हाइड्रोपावरः २२ करोड १८ लाख रुपैयाँ
- सीईडीबी हाइड्रोपावरः १८ करोड ८८ लाख रुपैयाँ
