काठमाडौं । शेयर लगानीकर्ताले आज एकैदिन पौने २ खर्ब रुपैयाँ गुमाएका छन्। शेयर बजारमा आज पहिरो जाँदा लगानीकर्ताले १ खर्ब ७७ अर्ब ८२ करोड ९७ लाख रुपैयाँ गुमाएका हुन्।
शेयर बजार परिसूच आज नेप्से १११.९६ अंकले घटेर २७८२.६० को विन्दुमा झरेको छ। बजार घट्दा होटेल तथा पर्यटन समूहबाहेक अन्य सबै समूह घटेको छ। होटेल समूह भने ०.४३ प्रतिशतले बढेको छ।
बजार घट्दा नेप्सेको कुल बजार पुँजीकरण पनि घटेर ४४ खर्ब १९ अर्ब ३५ करोड ६२ लाख रुपैयाँ झरेको छ। आइतबार कुल बजार पुँजीकरण ४५ खर्ब ९७ अर्ब १८ करोड ५९ लाख रुपैयाँ थियो । यो हिसाबले लगानीकर्ताको सम्पत्ति आज एकैदिन पौने २ खर्ब रुपैयाँ बढीले घटेको हो।
बजारमा आज १८ अर्ब ६४ करोड ९५ लाख रुपैयाँ बढीको कारोबार भएको छ।
