काठमाडौं । साताको पहिलो कारोबार दिन आइतबार सुनको भाउले नयाँ कीर्तिमान कायम गरेको छ।
नेपाली बजारमा आज प्रतितोला छापावाल सुन १ लाख ५२ हजार ६०० रुपैयाँमा कारोबार भइरहेको छ। यो नेपाली बजारमा सुनको भाउ हालसम्मकै उच्च हो।
गत शुक्रबार सुनको भाउ प्रतितोला १ लाख ४९ हजार ६०० रुपैयाँमा कारोबार भएको थियो। यो हिसाबले आज एकैदिन सुनको भाउ तोलामा ३ हजार रुपैयाँले बढेको छ।
आज प्रतितोला चाँदी ५० रुपैयाँले बढेर १ हजार ८१० रुपैयाँ कायम भएको छ। गत शुक्रबार प्रतितोला चाँदी १ हजार ७६० रुपैयाँमा किनबेच भएको थियो।
