काठमाडौं । शेयर बजारमा आज फेरि दैनिक कारोबारले नयाँ रेकर्ड बनाएको छ। नेप्से पनि ३००० माथि उक्लिएको छ।
यो दिन नेप्से परिसूचक ४३.०५ अंकले बढेर ३०००.८१ को विन्दुमा बन्द भएको छ। बजार बढ्दा कारोबार रकम पनि बढेर २९ अर्ब ९५ करोड ८५ लाख रुपैयाँबराबरको भएको छ। यो नेप्सेको इतिहासमा हालसम्मकै उच्च हो।
आज १०५ कम्पनीको शेयरभाउ बढ्दा १३७ वटाको घटेको छ। एउटा कम्पनीको भाउ स्थिर रहेको छ। बजारमा आज हिमालयन रिइन्स्योरेन्सको उच्च कारोबार भएको छ।
आज उच्च कारोबार भएका १० कम्पनी
- हिमालयन रिइन्स्योरेन्सः ९१ करोड ३३ लाख रुपैयाँ
- सानिमा माई हाइड्रोपावरः ८३ करोड २३ लाख रुपैयाँ
- अपी पावरः ६५ करोड रुपैयाँ
- कुमारी बैंकः ६१ करोड ७७ लाख रुपैयाँ
- निफ्राः ६० करोड ३७ लाख रुपैयाँ
- शिवम सिमेन्टः ५० करोड ५७ लाख रुपैयाँ
- अपर तामाकोशीः ४९ करोड ५ लाख रुपैयाँ
- अरुण भ्याली हाइड्रोपावरः ४८ करोड २० लाख रुपैयाँ
- नेपाल इन्भेस्टमेन्ट मेगा बैंकः ४५ करोड ९२ लाख रुपैयाँ
- एचआईडीसीएलपीः ४४ करोड ७९ लाख रुपैयाँ
