काठमाडौं । शेयर बजार खुलेको सवा २ घन्टामै साढे १२ अर्ब रुपैयाँ माथिको कारोबार भएको छ।
यो समाचार तयार पार्दा (१२ः१५) सम्म शेयर बजारमा १२ अर्ब ६५ करोड रुपैयाँ बढीको कारोबार भइसकेको छ। सुरुआती समयमा केही घटेको बजार अहिले पनि बढेको छ।
बजार बढ्दा अहिलेसम्म ९४ कम्पनीको शेयरभाउ बढेको छ भने १४० घटेको छ। ९ कम्पनीको शेयरभाउ भने स्थिर रहेको छ।
अहिलेसम्म नेप्से उपसमूहमा रहेका ६ वटा समूहमा हरियाली छाएको छ भने ७ वटामा रातो पोतिएको छ। अहिलेसम्म हिमालयन रिइन्स्योरेन्सको उच्च कारोबार भइरहेको छ भने ५ वटा कम्पनीको शेयरभाउमा माथिल्लो सर्किट लागेको छ।
